Rekursu Prevensaun Programa Nabilan Nian Folla Informativa 2: Teoria Kona-Ba Mudansa Hodi Prevene Violénsia Hasoru Feto
Violénsia hasoru feto sai nu’udar asuntu sosiál kompleksu no iha fatór barak ne’ebé kontribui ba violénsia ne’e. Nune’e sai importante liután atu fó tempu natoon atu hanoin kona-ba oinsá ita dezenvolve programa no inisiativa sira hodi prevene violénsia hasoru feto. Teoria ezistente kona-ba oinsá ema bele halo mudansa ba situasaun ka rezolve problema ruma (teoria kona-ba mudansa) bele sai hanesan instrumentu utíl tebes hodi tulun dezenvolve asaun ne’ebé ita-nia projetu sira presiza.