Pajina Informativa 3. Feto No Mane Sira-Nia Esperiénsia Kona-Ba Abuzu No Trauma Durante Sira-Nia Infánsia Iha Timor-Leste
Abuzu ba labarik no violénsia hasoru feto nu’udar kestaun direitus umanus no saúde públika ne’ebé prevalente no globál. Iha Ázia no Pasífiku, dadus bazeia ba populasaun hatudu katak violénsia hasoru feto no abuzu ba labarik mak prevalente, maski dadus estatístiku kona-ba abuzu ba labarik iha rejiaun ne’e tomak seidauk forte no seidauk sai nu’udar prioridade. Estudu Nabilan kona-ba Saúde no Esperiénsia Moris iha objetivu atu prodús dadus nasionál kona-ba prevalénsia, no konsekuénsia sira husi violénsia oioin hasoru feto, no mós dadus kona-ba abuzu ba labarik no abandonu. Dadus ne’e sei informa programa no polítika sira, no permite monitorizasaun ba progresu hodi hapara violénsia hasoru feto no labarik sira iha Timor-Leste.
