Violénsia Husi Parseiru Íntimu Kontra Feto iha Timor-Leste
Komprende diferensa entre Programa Nabilan nia Estudu Baze no Peskiza Demográfiku no Saúde
The Asia Foundation/Fundasaun Ázia nia Programa Nabilan halo Estudu Baze kona-ba Saúde no Esperiénsia Moris (Estudu Nabilan) husi Jullu to’o Setembru 2015. Estudu Baze ne’e iha objetivu hodi prodús dadus ne’ebé rigorozu no konfiavel husi feto no mane sira iha Timor-Leste kona-ba prevalénsia no perpetrasaun ba violénsia oioin kontra feto. Konkluzaun sira husi Estudu Baze ne’e fó dadus referénsia ba Fundasaun nia Programa Nabilan, no sei informa mós programasaun no advokasia kona-ba resposta no prevensaun ba violénsia kontra feto no labarik sira iha Timor-Leste.